يدتي الغالية على قلبي

يدتي الغالية على قلبي,

اليوم كملوا ١٢٣ يوم على فراقج ١٢٣ يوم والبيت مو نفس البيت بدونج والضحكة مو نفس الضحكة وحتى الأيام تمشي أبطأ من قبل أحسج بكل زاوية بكل دعوة كنتِ ترددينها لي بكل نصيحة بكل حضن كنت أهرب له إذا ضاقت فيني الدنيا.

ترى غيابج وجع بس بعده رحمة لأنّي متأكدة إنك عند رب أرحم فيك منّا كلنا أدعيلج بكل صلاة وبين الأذان والإقامة وفي كل وقت أذكر اسمك أقول:

اللهم اغفر ليدتي وارحمها، واعفُ عنها، وأكرم نُزلها، ووسّع مدخلها، واجعل قبرها روضة من رياض الجنة، ونوّر لها فيه، وآنس وحشتها، واجمعني بها في جناتك من غير حساب ولا سابق عذاب.

يا يدتي لو تعلمين شكثر اشتقت لج شكثر أتمنى أسمع صوتج وأبوس أيدج وراسج وأقولج كل الأشياء اللي ما لحقت أقولها سامحيني على أي قصور وادعي لي من مكانج الطيب مثل ما كنتِ دايم تدعين لي بالدنيا.

باقية في قلبي دعوة وباقي لك في عمري ذكر طيب ما ينقطع ما أنساج ولا بيجي يوم يمرّ إلا وأذكرك بدعاء. الله يجعل مثواك الفردوس الأعلى مع محمد وال محمد ويجمعني فيك على سرر متقابلين.